شركة الفلفل بالعرائش قديما

مما لاشك فيه ان العرايش كانت بالامس القريب كتعرف رواج ونشاط اقتصادي مهم،وداكشي راجع لاحتوائها لمصانع ومعامل مهمة ومؤثرة كذلك في اقتصاد البلاد.
،نافكو،لوكوس،تشيلاطا،برانكو،المضرابات،شركة الملح،،،،،.
اليوم اخترنا ليكوم هاد الشركة اللي قليل غادي يعرفها،،وهي شركة افيم،او الشركة الاسبانية المغربية لصناعة الفلفل.هاد الشركة كانت متواجدة قبالة اقامة او دار العامل،(عامل الاقليم)،ومازالت انقاضها شاهدة على ماضيها لحد الان.
هاد الشركة كانت نسبة كبيرة من ساكنة المدينة كتخدم فبها،بحيث كازت كتهدم فوج بالليل وفوج بالنهار،وكان تقوم بتصبير الطماطم،وكذا الفلفل،وتجفيفها وبيعها وتصديرها خارج المغرب،وتسويقها كذلك محليا.
الشركة كانت تسير من طرف الاسبان لحدود نهاية الثمانينات ،وبالتالي بداية نهاية هاد الشركة،حيث تسلم ادارتها وتسييرها مغاربة واللي مغاديش تطول في عهدهم افلست الشركة،و العديد من الاسر تشردت،والعديد منعهم خرج خاوي الوفاض بعد سنوات من العمل بها.
تشردت الاطر العاملة بها،وكذلك اليد العاملة،وبقاو عرضة للتشرد.
اليوم تلك الشركة بقات فيها غي الاطلال والذكريات الزوينة للعمال والناس اللي عاشو فالمجد ديالها ،كانت ركيزة قوية في الاقتصاد العرايشي،وباندثارها وافلاسها اغلق منفد اقتصادي هام للمدينة.